Дүниежүзілік жүрек күні – бұл жаһандық денсаулық сақтау науқаны. Оның негізгі міндеті – жүрек-қантамыр аурулары, олардың пайда болу себептері және алдын-алу жолдары туралы хабардарлықты арттыру.
Жүрек ауруы мен инсульттің ең маңызды қауіп факторлары – дұрыс тамақтанбау, физикалық белсенділіктің төмен деңгейі, темекі шегу және алкогольді көп мөлшерде тұтыну. Қауіп факторларының әсері жоғары қан қысымы, қандағы глюкоза немесе липидтердің жоғарылауы, артық салмақ немесе семіздік түрінде көрінуі мүмкін. Бұл «аралық қауіп факторлары» алғашқы медициналық көмек көрсету мекемелері деңгейінде анықталуы мүмкін және инфаркт, инсульт, жүрек жеткіліксіздігі және басқа асқынулар қаупінің өршуін көрсетеді.
Мезгілсіз өлім-жітімнің алдын алудың шарты - ЖҚА қаупі жоғары барлық адамдарды анықтау және оларға тиісті ем беруді қамтамасыз ету. Қажетті емдеуді ұсынудың және оған мұқтаж жандарға консультация берудің маңызды шарты - бастапқы буындағы мекемелерде инфекциялық емес ауруларды диагностикалау және емдеу үшін қажетті тиісті дәрілік препараттар мен базалық медициналық технологиялардың болуын қамтамасыз ету.
